Vakansiya haqqında
Aviation Services Group-un Sky Catering filialı Mühasib vəzifəsi üzrə əməkdaş axtarır.
Vəzifə öhdəlikləri
Mühasibat uçotunun bütün sahələri üzrə, o cümlədən əsas vəsaitlər, əmtəə-maddi dəyərlər, istehsal xərcləri, debitor və kreditor borcları, göstərilən xidmətlər və digər əməliyyatlar üzrə düzgün və operativ uçot aparır;
Pul vəsaitləri və inventar hərəkəti ilə bağlı bütün əməliyyatları vaxtında və qanunvericiliyə uyğun şəkildə mühasibat uçotunda əks etdirir;
Vergi uçotunu aparır, müvafiq hesabatları hazırlayır və müəyyən olunmuş müddətdə təqdim edir;
İtki və qeyri-məhsuldar xərclərin yaranma səbəblərini təhlil edir, onların azaldılması üçün təkliflər hazırlayaraq rəhbərliyə təqdim edir;
İş prosesinin səmərəliliyinin artırılması üçün təkliflər verir;
Hava gəmilərinə göstərilən xidmətlərlə bağlı çek-listlərin və digər sənədlərin düzgünlüyünü yoxlayır və uçota daxil edir;
Mühasibat sənədlərinin düzgün tərtibini, sistemli saxlanmasını və arxivə təhvil verilməsini təşkil edir və buna nəzarət edir;
Müəssisənin uçot siyasətinin hazırlanması və təkmilləşdirilməsində iştirak edir, uçot proseslərinin metodologiyasına rəhbərlik edir;
Dövlət büdcəsinə vergi və digər ödənişlərin, sosial sığorta ayırmalarının, həmçinin əmək haqqı fonduna vəsait ayrılmasının tam və vaxtında icrasını təmin edir;
Vergi, ödəniş, mükafatlandırma və digər daxili fondlara vəsait köçürülməsi əməliyyatlarını yerinə yetirir;
Mühasibat, vergi və statistik hesabatların hazırlanması üçün lazım olan məlumatları toplayır, yoxlayır və rəsmiləşdirir;
Müəssisənin təsərrüfat-maliyyə fəaliyyətinin təhlilində, qənaət rejiminin və sənəd dövriyyəsinin optimallaşdırılmasında, daxili ehtiyatların müəyyən olunmasında iştirak edir;
Tabeliyində olan mühasiblərə iş tapşırıqları verir, onlara metodiki dəstək və tövsiyələr göstərir, iş nəticələri üzrə rəylər hazırlayır;
Tabeliyində olan işçilərin iş keyfiyyətinə, tapşırıqların vaxtında və düzgün yerinə yetirilməsinə nəzarət edir, səhvlərin qarşısını alır;
Müəssisənin digər şöbə və bölmələri ilə maliyyə-uçot məsələləri üzrə sıx əməkdaşlıq edir, mühasibat uçotu və vergi qanunvericiliyi ilə bağlı məsləhətlər verir;
Vergi orqanları, audit şirkətləri, sosial sığorta fondları və digər yoxlama qurumları ilə iş birliyində birbaşa iştirak edir, sorğulara cavab hazırlayır və tələb olunan sənədləri təqdim edir.
Namizədə tələblər
Ali təhsil;
Müvafiq sahədə minimum 3 il iş təcrübəsi;
Maliyyə vəsaitləri ilə bağlı əməliyyatların rəsmiləşdirilməsini bacarmaq;
Azərbaycan dili üzrə mükəmməl, ingilis dili üzrə yaxşı səviyyə;
MS Office proqramları və anbar uçotu sistemləri ilə işləmə bacarığı.
İş şəraiti
Əmək münasibətləri Azərbaycan Respublikası Əmək Məcəlləsinə uyğun tənzimlənir;
İş yeri: Bakı, Heydər Əliyev Beynəlxalq Aeroportu;
İş qrafiki: tam ştat, həftədə 5 gün, saat 09:00-dan 18:00-dək;
Maaş: 1000 AZN net;
Şirkət Koroğlu m/st, Bakıxanov, Əmircan, Mərdəkan, Binə, Suraxanı və digər istiqamətlərdən ödənişsiz servis nəqliyyatı təmin edir.
Maraqlanan namizədlər müraciət etmək üçün Müraciət et düyməsində göstərilən linkə daxil ola bilərlər.
Təsvir mənbədəki dildə saxlanılıb. Göstərilməyən şərtlər təxmin edilmir.
