Vakansiya haqqında
CASPOS MMC texniki servis mütəxəssisi vakansiyası elan edir!CASPOS MMC komandamıza elektron avadanlıqların texniki diaqnostikası, təmiri və texniki xidməti sahəsində çalışacaq Texniki servis mütəxəssisi axtarır.
Vəzifə öhdəlikləri:
Təmir üçün qəbul edilən kassa aparatlarının ilkin texniki yoxlanışını və diaqnostikasını aparmaq;
Kassa aparatlarının elektron və elektrik sistemlərinin təmiri və texniki qulluğunu həyata keçirmək;
Elektron komponentləri, naqilləri, birləşdirici elementləri və digər ehtiyat hissələrini yoxlamaq, zərurət yarandıqda dəyişdirmək və bərpa etmək;
Elektron lövhələrdə lehimləmə (payka) və digər təmir əməliyyatlarını icra etmək;
Texniki nasazlıqların yaranma səbəblərini müəyyənləşdirmək və aradan qaldırılması istiqamətində müvafiq işlər görmək;
Təmir və texniki xidmət prosesində tələb olunan alət və avadanlıqlardan təyinatına uyğun istifadə etmək;
Təmir olunmuş kassa aparatlarının funksionallığını yoxlamaq və işlək vəziyyətdə olduğunu test etmək;
Aparılan təmir işləri, müəyyən edilmiş problemlər və görülən tədbirlər barədə müvafiq qeydlər aparmaq və hesabat təqdim etmək;
İş zamanı elektrik, əməyin mühafizəsi və texniki təhlükəsizlik normalarına əməl etmək;
Birbaşa rəhbər tərəfindən vəzifə öhdəlikləri və səlahiyyətləri daxilində verilən digər tapşırıqları icra etmək.
Namizədə dair tələblər:
Elektronika və elektrik dövrələri üzrə ilkin və ya orta səviyyəli nəzəri və praktiki biliklər;
Lehimləmə (payka) işlərinin aparılması və elektron lövhələrlə işləmək bacarığı;
Elektron cihazların texniki yoxlanılması, diaqnostikası və təmiri üzrə biliklər;
Yaş həddi: 25-40.
Şəxsi keyfiyyətlər:
Yüksək ünsiyyət bacarığı, məsuliyyətlilik, operativlik və diqqətlilik;
Səbirli, təmkinli və intizamlı olmaq;
Peşəkar inkişaf və yeni texnologiyaları mənimsəməyə açıq olmaq;
Komanda daxilində effektiv əməkdaşlıq etmək bacarığı;
Problemləri təhlil etmək, çevik qərarlar qəbul etmək və həll yolları tapmaq bacarığı.
İş şəraiti və əlavə məlumatlar:
Əmək haqqı: Namizədin bilik və bacarıqlarına uyğun olaraq, müsahibə əsasında razılaşdırılır;
İş qrafiki: 5 günlük iş həftəsi, saat 09:00-18:00;
Rəsmiləşmə: Azərbaycan Respublikasının Əmək Məcəlləsinə uyğun olaraq;
Tibbi sığorta: Şirkət tərəfindən qarşılanan tibbi sığorta paketi.
Texniki sahədə bilik və bacarıqlarınızı CASPOS MMC komandasında tətbiq etmək istəyirsinizsə, müraciətinizi gözləyirik!
Təsvir mənbədəki dildə saxlanılıb. Göstərilməyən şərtlər təxmin edilmir.
