Data idarəetməsi üzrə aparıcı mütəxəssis

Tələblər İqtisadiyyat, maliyyə, statistika, informasiya texnologiyaları, kompüter elmləri və ya əlaqəli istiqamətlər üzrə ali təhsil; Data idarəetməsi (Data Governance), data keyfiyyəti (Data Quality), data menecmenti (Data Management) və ya yaxın sahədə iş təcrübəsi; Məlumatların idarə olunması prinsipləri, data keyfiyyəti və metadata anlayışları üzrə biliklər; SQL ilə məlumatların yoxlanması və təhlili üçün kifayət qədər biliklər; Məlumat modelləri, relyasiyalı verilənlər bazaları və data anbarı (Data Warehouse) barədə anlayış; Analitik düşüncə, problemlərin həlli və proseslərin təhlili bacarığı; Sənədləşdirmə, kommunikasiya və müxtəlif biznes bölmələri ilə əməkdaşlıq qabiliyyəti; İngilis dili bilikləri, əsasən texniki sənədləri oxumaq və anlamaq səviyyəsində. Üstünlük verilir Bank və ya maliyyə sektorunda iş təcrübəsi; Data idarəetməsi (Data Governance) və data keyfiyyəti (Data Quality) üzrə layihələrdə iştirak təcrübəsi; DAMA-DMBOK çərçivəsi və ya digər data menecment metodologiyaları haqqında biliklər; Data Governance alətləri barədə biliklər; Məlumatların təsnifatı, Data Lineage və Data Catalog üzrə praktiki təcrübə. Öhdəliklər Bank üzrə məlumatların idarə edilməsi (Data Governance) çərçivəsinin və müvafiq metodologiyaların tətbiqində iştirak etmək; Məlumat keyfiyyətinin qiymətləndirilməsi, keyfiyyət göstəricilərinin və nəzarət qaydalarının müəyyən olunması; Məlumat sahibliyi (Data Ownership) və idarəetmə üzrə məsuliyyətlərin müəyyənləşdirilməsi və koordinasiyası; Bankın məlumat lüğətinin (Business Data Glossary), məlumat kataloqunun (Data Catalog) və metadata idarəetmə proseslərinin formalaşdırılması və təkmilləşdirilməsi; Məlumatların mənbədən istifadəçiyə qədər hərəkətinin və transformasiyalarının izlənəbilənliyinin (Data Lineage) təmin edilməsinə dair fəaliyyətlərdə iştirak; Məlumat keyfiyyəti ilə bağlı problemlərin aşkarlanması, səbəblərinin araşdırılması və aidiyyəti bölmələrlə həllinin əlaqələndirilməsi; Məlumatların təsnifatı, istifadəsi və idarə olunması üzrə daxili qayda və standartların hazırlanmasında iştirak; Müvafiq bölmələrlə əməkdaşlıq edərək məlumatların idarə edilməsi tələblərinin tətbiqinə nəzarətin təmin olunması. Vakansiyaya Müraciət et düyməsində qeyd olunan linkə daxil olaraq TuranBank ASC-nin “İşə Qəbul Portalı”nda qeydiyyatdan keçib müraciət edə bilərsiniz.