Kassir

Kontakt Home komandamız üçün peşəkar kassir axtarırıq. Vəzifə öhdəlikləri: Müştərilər tərəfindən edilən ödənişlərin, o cümlədən kredit ödənişlərinin qəbul olunması; Qəbul edilən vəsaitlərin yoxlanılması və əməliyyatın müəyyən edilmiş qaydada icra edilməsi; Gündəlik satış məbləğini və ödənişləri əks etdirən sənədlərin hazırlanması; Kassadan keçən bütün pul vəsaitlərinin, sənədlərin və qiymətlərin izlənməsi, nəzarətdə saxlanması və hesabatının aparılması; Nağd pul vəsaitlərinin təhlükəsiz şəkildə saxlanmasını və İşəgötürənin səlahiyyətli nümayəndəsinə təhvil verilməsini təmin etmək; Müştərilərin suallarını dinləmək, səlahiyyət çərçivəsində cavablandırmaq və ya aidiyyəti üzrə yönləndirmək. Namizədə tələblər: Ali təhsil; Kassir vəzifəsi üzrə iş təcrübəsi arzuolunandır; Azərbaycan dilini səlis bilməli, rus dilini bilməsi arzuolunandır; Nağd pul ödənişləri ilə işləmək üçün sadə riyazi biliklərə sahib olmalı; Müxtəlif növ kassa aparatları və onların iş prinsipləri barədə məlumatlı olmalı; Microsoft Office proqramları üzrə biliklərə malik olmalı; İşində dəqiq, məsuliyyətli və dürüst olmalıdır. Biz nə təklif edirik? Rəqabətli əmək haqqı və performansa əsaslanan motivasiya imkanları; Peşəkar inkişaf və karyera yüksəlişi imkanları; Dinamik və müasir iş mühiti; Peşəkar və əməkdaşlığa əsaslanan komanda mühiti; Yeni bilik və bacarıqların inkişafı üçün imkanlar. İş şəraiti: İş yeri: Şamaxı; İş qrafiki: Növbəli. Qeyd: Müraciətlər vakansiyanın tələblərinə əsasən dəyərləndiriləcək və yalnız seçilmiş namizədlərlə əlaqə saxlanılacaqdır. Vakansiya növü: Tam ştat Maraqlanan namizədlər Müraciət et düyməsində göstərilən link vasitəsilə müraciət edə bilərlər.