Anbardar

Bakı üçün anbardar vakansiyasında anbar əməliyyatlarının düzgün təşkili, uçot və nəzarət işləri üçün təcrübəli namizəd axtarılır. Vəzifə öhdəlikləri Qəbul edilən material və qiymətlilərin müşayiətedici sənədlərlə uyğunluğunu yoxlamaq; Anbar daxilində mal-materialların qruplaşdırılmasını, düzgün saxlanılmasını və təhlükəsizliyini təmin etmək; Yüklərin qəbul edilməsi, yerləşdirilməsi və boşaldılması proseslərini təşkil etmək; Aşkar olunan nasazlıq və çatışmazlıqlarla bağlı aktlar hazırlamaq; Materialların hərəkəti üzrə anbar proqramında uçot aparmaq və hesabatlar hazırlamaq; Müəyyən edilmiş sifarişlərə əsasən məhsulların yüklənməsi və təhvil-təslim prosesində iştirak etmək; Gündəlik məhsul hərəkətinin qeydiyyatını aparmaq, giriş, çıxış və qalıq miqdarına nəzarət etmək, sənədlərin, o cümlədən qaimə, akt və fakturaların düzgün və vaxtında tərtib olunmasına nəzarət etmək; Anbarda təmizlik və nizam-intizamı qorumaq, məhsulların salamatlığını və təhlükəsiz vəziyyətdə saxlanılmasını təmin etmək, saxlama şəraitinə nəzarət etmək; Müəyyən edilmiş dövrlərdə inventarizasiya prosesində iştirak etmək; Rəhbərliyə anbar qalığı, zədələnmiş, yararsız, istifadə müddətinin bitməsinə az qalan məhsullar və digər problemlər barədə məlumat vermək; Yükləmə-boşaltma işlərini təşkil etmək və nəqliyyat vasitələrinin düzgün yüklənməsinə nəzarət etmək. Namizədə tələblər Ali təhsil; Anbar təsərrüfatı, əsasən neft-qaz sahəsində minimum 5 il iş təcrübəsi; MS Office proqramlarını, xüsusilə Excel-i bilmək; ERP və ya anbar uçotu proqramları ilə işləmək bacarığı üstünlükdür; Dil bilikləri: Azərbaycan dili səlis, ingilis və rus dilləri orta səviyyədə; Məsuliyyətli, diqqətli və yüksək təşkilatçılıq bacarığına malik olmaq; Komandada işləmək və operativ qərar qəbul etmək bacarığı. Müraciət qaydası Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.