İnsan resursları əməliyyatları üzrə rəhbər

İnsan resursları əməliyyatları üzrə rəhbər vəzifəsi İR əməliyyatlarının, sənədləşmənin və əmək münasibətləri proseslərinin icrasını əhatə edir. Təsvir İşə qəbuldan başlayaraq əmək münasibətlərinə xitamadək bütün əməkdaşlıq mərhələləri üzrə inzibati proseslərin icrasına nəzarət etmək; işə qəbul və adaptasiya, layihələr arasında yerdəyişmələr, vəzifə artımları, status dəyişiklikləri və xitam proseslərini əhatə etmək. Əmək müqavilələrinin, müqavilə dəyişikliklərinin, müddət uzadılmalarının və standart kadr sənədlərinin hazırlanması, qeydiyyatı, rəsmiləşdirilməsi və icrasının izlənilməsini idarə etmək. Əmək müqavilələrinin bitmə tarixlərini izləmək və rəhbərliyin təsdiqlərinə uyğun olaraq inzibati addımların vaxtında görülməsini təmin etmək. Baş ofis və inşaat layihələri sahələrindən davamiyyət, iş saatları, artıq iş və işə çıxmama ilə bağlı məlumatların toplanması və yoxlanılması daxil olmaqla, iş vaxtının uçotu proseslərinə nəzarət etmək. Əməkdaşların xəstəlik vərəqələrini, ödənişli və ödənişsiz məzuniyyət qalıqlarını, eləcə də istifadə edilməmiş məzuniyyətləri idarə etmək, uyğunsuzluqları müəyyənləşdirmək və aradan qaldırmaq. Tibbi sığorta və qanunvericiliklə nəzərdə tutulan təminatlar da daxil olmaqla, əməkdaşların sosial təminat və güzəşt proqramlarının inzibati idarə olunmasını həyata keçirmək. HRIS sistemi və əməkdaşların əsas məlumatları üzrə funksional məsul şəxs kimi çıxış etmək, məlumatların məxfiliyini və giriş səlahiyyətlərinin düzgün idarə olunmasını təmin etmək. Rəhbərliyin qərarverməsini dəstəkləmək üçün mütəmadi İR əməliyyat, işçi sayı, təşkilati struktur və analitik hesabatlar hazırlamaq. Baş ofis və layihə sahələrində İR əməliyyat siyasətlərinin, şablonlarının və prosedurlarının vahid və ardıcıl tətbiqinə nəzarət etmək. Yerli əmək qanunvericiliyinin və şirkət siyasətlərinin tələblərinə riayət olunmasını izləmək, əmək müfəttişliyinin yoxlamaları, eləcə də daxili və ya xarici auditlər üçün tələb olunan sənədləri hazırlamaq. İntizam tədbirlərinin, daxili araşdırmaların və əməkdaşlarla bağlı qərarların rəsmi inzibati qaydada rəsmiləşdirilməsi və icrasına nəzarət etmək. Tələblər İnsan Resursları, Biznesin İdarə Edilməsi, Hüquq, Psixologiya və ya əlaqəli ixtisas üzrə bakalavr dərəcəsi. SHRM-SCP, SPHRi və ya CIPD Level 5+ kimi peşəkar HR sertifikatı üstünlük sayılır. İR idarəçiliyi sahəsində minimum 8 il iş təcrübəsi, o cümlədən İR əməliyyatları üzrə nəzarətçi və ya rəhbər vəzifədə ən azı 2 il təcrübə. İnşaat, mülki mühəndislik və ya ağır sənaye sahəsində həm ofis əməkdaşlarından, həm də layihə sahələrində çalışan işçilərdən ibarət işçi qüvvəsinin idarə olunması üzrə təcrübə. Azərbaycan Respublikası əmək qanunvericiliyi, qanunvericiliklə müəyyən edilmiş əmək tələbləri və əmək münasibətləri üzrə sənədləşmənin hüquqi uyğunluğu barədə güclü praktiki biliklər. Məlumatların emalı və təhlili üzrə yüksək səviyyəli bacarıqlar, Excel və 1C, SAP kimi HRIS platformalarından yüksək səviyyədə istifadə bacarığı və detallara xüsusi diqqət. Davamiyyət sistemləri, iş vaxtının uçotu məlumatlarının yoxlanılması, eləcə də mürəkkəb məzuniyyət və əməkhaqqı məlumatlarının üzləşdirilməsi üzrə praktiki bacarıqlar. Azərbaycan dili – sərbəst, həm şifahi, həm də yazılı. İngilis dili – orta-yuxarı səviyyə (upper-intermediate), həm şifahi, həm də yazılı. Vakansiya növü Tam ştat Müraciət Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.