Brand Chef

Struktur bölmə: Texnologiya şöbəsi Birbaşa rəhbər: Baş texnoloq İş yeri: Bakı, Azərbaycan İş formatı: Əsasən ofis şəraitində iş, sonrakı mərhələlərdə istehsalat obyektlərində standartların tətbiqi və nəzarət proseslərində iştirak. Vəzifənin əsas məqsədi Seaport Catering şirkətində korporativ qidalanma üzrə menyuların və resepturaların hazırlanması, sistemləşdirilməsi və standartlaşdırılması, yeməklərin normativ maya dəyərinin (Food Cost) idarə olunması, vahid kulinariya standartlarının yaradılması və mövcud çeşidlərin davamlı təkmilləşdirilməsi. Əsas vəzifə öhdəlikləri Menyuların hazırlanması və idarə edilməsi 14, 21 və 28 günlük dövri menyuların hazırlanması və mütəmadi yenilənməsi. Müxtəlif qiymət kateqoriyalarına uyğun korporativ qidalanma menyularının formalaşdırılması. Menyularda çeşidliliyin, balanslaşdırılmış qidalanmanın və mövsümiliyin təmin edilməsi. Kütləvi korporativ qidalanmanın xüsusiyyətlərinə uyğun yeni yeməklərin hazırlanması. Mövcud menyuların təhlili və səmərəsiz yemək çeşidlərinin müəyyən edilməsi. Yeni korporativ müqavilələr və tenderlər üçün menyuların hazırlanmasında iştirak. Food Cost – yeməklərin maya dəyərinin idarə olunması Hər bir yeməyin və gündəlik menyunun normativ maya dəyərinin hesablanması. Keyfiyyəti aşağı salmadan resepturaların optimallaşdırılması və maya dəyərinin azaldılması. Satınalma şöbəsi ilə birlikdə xammal və ərzaq məhsullarının qiymətlərinin təhlili. Alternativ resepturaların və xammal əvəzetmə variantlarının hazırlanması. Faktiki maya dəyəri ilə normativ maya dəyəri arasındakı fərqlərin Maliyyə, Satınalma və Əməliyyatlar şöbələri ilə birlikdə təhlili. İstehsalat itkilərinin azaldılması və xammaldan səmərəli istifadə üzrə təkliflərin hazırlanması. Menyuların iqtisadi səmərəliliyi barədə mütəmadi hesabatların təqdim edilməsi. Resepturaların və texnoloji kartların standartlaşdırılması Şirkətin mövcud reseptura bazasının təhlili və auditi. Resepturaların sistemləşdirilməsi və vahid standartlara uyğunlaşdırılması. Texnoloqlarla birlikdə texnoloji kartların kulinariya hissəsinin hazırlanması. Xammalın dəqiq sərfiyyat normalarının, hazır yeməyin çıxış çəkisinin və porsiya ölçülərinin müəyyən edilməsi. Yeməklərin hazırlanma üsullarının, dad xüsusiyyətlərinin və xarici görünüşünün standartlaşdırılması. Təsdiqlənmiş resepturalardan ibarət vahid elektron bazanın yaradılması. Xammal və hazırlanma texnologiyası dəyişdikdə resepturaların yenilənməsi. Kulinariya keyfiyyətinə nəzarət Yeməklərin dadı, konsistensiyası və xarici görünüşü üzrə vahid keyfiyyət standartlarının hazırlanması. Yeni resepturaların dequstasiyası və sınaqdan keçirilməsi. Korporativ müştərilərdən daxil olan rəylərin təhlili. Yeməklərin keyfiyyəti ilə bağlı şikayətlərin araşdırılmasında iştirak. Keyfiyyətin yüksəldilməsi üzrə düzəldici tədbirlərin hazırlanması. Texnologiya şöbəsi ilə əməkdaşlıq Baş texnoloq və şirkətin texnoloqları ilə birgə fəaliyyət. Təsdiqlənmiş resepturaların istehsalat obyektlərində tətbiq olunması üçün texnoloqlara təqdim edilməsi. Yeməklərin kütləvi istehsalat şəraitində sınaqdan keçirilməsində iştirak. Texnoloqların və obyektlərin baş aşpazlarının irad və təkliflərinin təhlili. İstehsalat sınaqlarının nəticələrinə əsasən resepturaların təkmilləşdirilməsi. Sonrakı mərhələlərdə baş aşpazların təlimində və obyektlərdə kulinariya auditlərində iştirak. Namizədə əsas tələblər Peşəkar iş təcrübəsi Brend aşpaz, baş aşpaz, korporativ qidalanma üzrə baş aşpaz və ya menyuların hazırlanması üzrə rəhbər vəzifələrdə iş təcrübəsi. Üstünlük olaraq ən azı 5 il peşəkar iş təcrübəsi, bunun minimum 2 ilinin rəhbər və ya analoji vəzifədə olması. Resepturaların hazırlanması və standartlaşdırılması üzrə praktiki təcrübə. Food Cost hesablanması və yeməklərin maya dəyərinin idarə olunması üzrə təcrübə. Böyük həcmdə qidalanma xidmətləri üçün menyuların hazırlanması təcrübəsi. Texnoloji kartlar və istehsalat normaları ilə iş təcrübəsi. Peşəkar biliklər Yeməklərin maya dəyərinin kalkulyasiyası metodları. Xammalın sərfiyyat normaları, ilkin emal və bişirmə zamanı itkilər, hazır məhsulun çıxış normaları. Dövri menyuların hazırlanması prinsipləri. Rasional və balanslaşdırılmış qidalanmanın əsasları. Kütləvi yemək istehsalı texnologiyaları. Qida təhlükəsizliyi tələbləri və HACCP prinsipləri. Keyfiyyətin və resepturaların standartlaşdırılması metodları. Praktiki bacarıqlar Food Cost hesablamaları üçün Excel proqramında sərbəst işləmək. Ətraflı resepturalar və texnoloji kartlar hazırlamaq. Maya dəyərini təhlil etmək və optimallaşdırma imkanlarını müəyyənləşdirmək. Dequstasiya keçirmək və yeməklərin keyfiyyətini qiymətləndirmək. İstehsalat komandaları üçün aydın və tətbiq edilə bilən təlimatlar hazırlamaq. Elektron reseptura bazaları ilə işləmək. Şəxsi və idarəetmə keyfiyyətləri Sistemli düşünmə bacarığı. Yüksək məsuliyyət hissi və nəticəyönümlülük. Analitik düşüncə. Detallara diqqət. Təşkilatçılıq və intizam. Təşəbbüskarlıq. Komandada işləmək bacarığı. Qərarları hesablamalar və faktlar əsasında əsaslandırmaq. Keyfiyyətə və iqtisadi səmərəliliyə yönəlmiş yanaşma. Əlavə üstünlüklər Korporativ və ya sənaye keyterinqi sahəsində iş təcrübəsi. Mərkəzləşdirilmiş istehsalat mətbəxlərində və ya iri ictimai iaşə müəssisələrində iş təcrübəsi. Bir neçə istehsalat obyekti üçün menyuların standartlaşdırılması təcrübəsi. ERP, kalkulyasiya və uçot proqramları ilə işləmək bacarığı. Food Cost göstəricilərinin yaxşılaşdırılması üzrə təsdiqlənmiş praktiki nəticələr. Baş aşpazların və istehsalat komandalarının təlimi üzrə təcrübə. İlk 90 gün ərzində gözlənilən nəticələr Birinci ay — Təhlil və audit Mövcud reseptura bazasının auditinin aparılması. Eyni yeməklərin müxtəlif obyektlərdə hazırlanmasında fərqlərin müəyyən edilməsi. Mövcud menyuların və normativ maya dəyərinin təhlili. Resepturaların standartlaşdırılması üzrə fəaliyyət planının hazırlanması. İkinci ay — Standartlaşdırma və optimallaşdırma Resepturalar və texnoloji kartların kulinariya hissəsi üçün vahid formatın hazırlanması. Razılaşdırılmış prioritet yeməklərin standartlaşdırılması. Food Cost optimallaşdırılması üzrə təkliflərin hazırlanması. Təkmilləşdirilmiş dövri menyu variantlarının hazırlanması. Üçüncü ay — Tətbiq və nəticələrin təqdimatı Vahid reseptura bazasının strukturunun təqdim edilməsi. Prioritet yeməklər üzrə təsdiqlənmiş resepturaların hazırlanması. Texnoloqlarla birlikdə istehsalat sınaqlarının həyata keçirilməsi. Görülmüş işlərin nəticələrinin və növbəti tətbiq mərhələsinin rəhbərliyə təqdim edilməsi. Əsas fəaliyyət göstəriciləri (KPI) Resepturaların standartlaşdırılması üzrə təsdiqlənmiş planın icra səviyyəsi. Razılaşdırılmış texnoloji kartlarla təmin olunmuş prioritet yeməklərin payı. Food Cost üzrə müəyyən edilmiş normativ hədəflərə riayət olunması. Resepturaların optimallaşdırılması nəticəsində əldə edilən təsdiqlənmiş qənaət. Menyuların hazırlanması və yenilənməsi planının icrası. Dequstasiya və istehsalat sınaqlarının nəticələri. Hazırlanan sənədlərin keyfiyyəti və tamlığı. Konkret rəqəmsal KPI hədəfləri ilkin auditin nəticələrinə əsasən təsdiqlənir. Tabeçilik və səlahiyyətlər Brend aşpaz Texnologiya şöbəsinin tərkibində fəaliyyət göstərir və birbaşa Baş texnoloqa tabedir. Brend aşpazın məsuliyyət sahəsi: Menyuların kulinariya məzmunu. Resepturaların hazırlanması və standartlaşdırılması. Dad və kulinariya keyfiyyəti standartları. Yeməklərin normativ maya dəyəri. Baş texnoloqun məsuliyyət sahəsi: Texnoloji yoxlamaların təşkili. Texnoloji sənədlərin razılaşdırılması və təsdiqi. Standartların istehsalat obyektlərində tətbiqinin təşkili. Texnologiya şöbəsinin fəaliyyətinin koordinasiyası. Texnoloqların məsuliyyət sahəsi: Resepturaların istehsalat şəraitində sınaqdan keçirilməsi. Təsdiqlənmiş standartların obyektlərdə tətbiqi. Texnoloji normalara riayət olunmasına nəzarət. İstehsalatdan daxil olan məlumatların və təkliflərin təqdim edilməsi. Brend aşpaz resepturalarda dəyişiklik təşəbbüsü göstərmək, səmərəsiz yeməklərin menyudan çıxarılmasını təklif etmək, xammal və maya dəyəri barədə zəruri məlumatları tələb etmək və menyuların razılaşdırılmasında iştirak etmək səlahiyyətinə malikdir. Namizədlərin seçim mərhələləri I mərhələ — CV və iş təcrübəsinin qiymətləndirilməsi Namizədin korporativ qidalanma, menyu hazırlanması, resepturaların standartlaşdırılması və Food Cost sahəsində təcrübəsinin yoxlanılması. II mərhələ — Peşəkar müsahibə Baş texnoloq və şirkət rəhbərliyi ilə müsahibə. III mərhələ — Praktiki tapşırıq Namizədə aşağıdakı tapşırıqlar təqdim olunur: Beş günlük korporativ qidalanma menyusunun hazırlanması. Menyunun Food Cost hesablamalarının təqdim edilməsi. Seçilmiş yemək üzrə texnoloji kartın hazırlanması. Keyfiyyəti aşağı salmadan maya dəyərinin optimallaşdırılması üzrə təkliflərin verilməsi. Namizədin qiymətləndirilməsində əsas meyar Namizədin kütləvi istehsalat üçün uyğun, dadlı, müxtəlif çeşidli, standartlaşdırılmış və idarə olunan maya dəyərinə malik korporativ qidalanma menyuları hazırlamaq bacarığı. Seaport Catering üçün əsas məqsəd: şirkətin bütün korporativ qidalanma obyektlərində tətbiq edilə bilən vahid reseptura, menyu, Food Cost və kulinariya keyfiyyəti standartlarının yaradılması. Tələblərə uyğun namizədlər CV-lərini mövzu bölməsində “Brand Chef” qeyd etməkləMüraciət etdüyməsində qeyd olunan elektron poçt ünvanına göndərə bilərlər: