Zəif axın sistemləri üzrə texnik

Bizə sadəcə avadanlıq quraşdıran deyil, sistemi anlayan, nasazlığı müəyyən edən və problemi müstəqil həll edən peşəkar texnik lazımdır! Zəif axın sistemləri üzrə praktiki təcrübəyə, texniki düşüncəyə və müstəqil işləmək bacarığına maliksənsə, komandamıza qoşul! Əsas vəzifə öhdəlikləri Video müşahidə (CCTV), yanğın siqnalizasiyası, mühafizə siqnalizasiyası, girişə nəzarət, turniket, domofon, interkom və digər zəif axın sistemlərinin quraşdırılması, sazlanması və texniki xidmətinin həyata keçirilməsi; Strukturlaşdırılmış kabel sistemlərinin, UTP və digər müvafiq kabellərin çəkilməsi, sonlandırılması, test edilməsi və bağlantıların yoxlanılması; IP kameraların, NVR/DVR qeydiyyat cihazlarının, şəbəkə kommutatorlarının, kontrollerlərin, sensorların və digər avadanlıqların quraşdırılması və konfiqurasiyası; Avadanlıqlar və sistemlər arasında inteqrasiyanın təmin edilməsi, zəruri hallarda şəbəkə parametrlərinin sazlanması; Sistemlərdə yaranan texniki nasazlıqların səbəblərinin müəyyən edilməsi, diaqnostikasının aparılması və müstəqil şəkildə aradan qaldırılması; Texniki sxem və layihələrin oxunması, işlərin layihə və texniki tələblərə uyğun icrası; Quraşdırılmış sistemlərin funksional sınaqlarının aparılması, işə salınması və işlək vəziyyətdə təhvil verilməsi; Profilaktik texniki baxışların keçirilməsi, nasazlıqların təkrarlanmasının qarşısının alınması və avadanlıqların düzgün istismarının təmin edilməsi; Görülən işlər, istifadə olunan materiallar, aşkarlanan problemlər və görülmüş tədbirlər barədə texniki hesabatların hazırlanması; Obyektlərdə texniki işlərin müstəqil planlaşdırılması və icrası, zəruri hallarda müştəri və layihə komandası ilə koordinasiyanın təmin edilməsi. Namizədə dair tələblər Zəif axın sistemlərinin quraşdırılması, konfiqurasiyası və texniki xidməti üzrə praktiki iş təcrübəsi; CCTV, yanğın və mühafizə siqnalizasiyası, girişə nəzarət, domofon və digər zəif axın sistemləri üzrə texniki biliklər; IP kameralar, NVR/DVR, şəbəkə avadanlıqları, kontrollerlər və müxtəlif tipli sensorlarla işləmək bacarığı; TCP/IP, IP ünvanlama, şəbəkə bağlantıları və əsas şəbəkə sazlamaları üzrə biliklər; Kabel sonlandırılması, RJ45 konnektorlarının quraşdırılması, kabel test cihazları və digər texniki alətlərlə işləmək bacarığı; Elektrik və zəif axın sxemlərini oxumaq, texniki sənədləri anlamaq bacarığı; Nasazlıqları ardıcıl şəkildə diaqnostika etmək, problemin kök səbəbini müəyyənləşdirmək və uyğun həll yolu seçmək qabiliyyəti; Tapşırıqları daimi nəzarət olmadan, müstəqil və məsuliyyətlə icra etmək bacarığı; Əməyin mühafizəsi və elektrik təhlükəsizliyi qaydalarına riayət etmək; Komandada işləmək, texniki məsələləri aydın izah etmək və görülmüş işlər barədə hesabat vermək bacarığı. Üstünlük veriləcək namizədlər Müxtəlif istehsalçıların avadanlıqları ilə iş təcrübəsi olanlara; Hikvision, Dahua və digər CCTV sistemləri, həmçinin girişə nəzarət və yanğın siqnalizasiyası avadanlıqları üzrə təcrübəsi olanlara; Sistemlərin sazlanması, inteqrasiyası və mürəkkəb nasazlıqların aradan qaldırılması üzrə təcrübəsi olanlara; Texniki layihələri oxuyaraq işin icrasını müstəqil təşkil edə bilənlərə. Uyğun namizədlər CV-ləriniMüraciət etdüyməsində qeyd olunan elektron poçt vasitəsilə göndərə bilərlər. Axtardığımız mütəxəssis problemi başqasına ötürən deyil, onun səbəbini tapıb həll edən texnikdir. Əgər bu təsvir sənə uyğundursa, müraciətini gözləyirik!