SMM Specialist — Honours Language Institute, Honours Coffee & Honours Academy TikTok

Honours Language Institute və Honours Coffee-nin sosial media hesablarını, həmçinin Honours Academy-nin TikTok səhifəsini idarə edəcək SMM mütəxəssisi axtarırıq. Bu rolda əsas məsuliyyətiniz brendlərin gündəlik həyatını, insanlarını və xidmətlərini təbii, maraqlı və auditoriyaya uyğun kontentə çevirmək olacaq. Əsas vəzifələr: Kontent strategiyasına uyğun aylıq paylaşım planı hazırlamaq və icra etmək; Sosial media trendlərini izləmək, brendlərə uyğun ideya və formatlar təklif etmək; Tələbə həyatı, dil öyrənmə, coffee mədəniyyəti, gündəlik səhnələr və sadə maarifləndirici mövzular üzrə kontent hazırlamaq; Content Strategist & Creative Producer ilə ideyaları inkişaf etdirmək, təsdiqlənmiş məkan, səhnə və kadr planına uyğun çəkilişləri həyata keçirmək; Telefonla keyfiyyətli şaquli videolar çəkmək, işıq, səs və kadr kompozisiyasına diqqət etmək; CapCut və ya oxşar alətlərlə videoları montaj etmək, subtitr, musiqi və uyğun vizual elementlər əlavə etmək; Copywriter ilə əməkdaşlıq edərək paylaşım mətnlərini hazırlamaq; Story, Reels, TikTok və digər uyğun formatların hazırlanmasını və paylaşılmasını təmin etmək; Hazırlanan kontentin digər brend kanallarında istifadəsi üçün komanda ilə koordinasiya qurmaq; Baxış, izlənmə müddəti, paylaşım, yadda saxlama və digər uyğun göstəriciləri izləmək, nəticələr əsasında təkliflər vermək; Namizədə tələblər: Sosial media hesablarının idarə edilməsi və qısa video hazırlanması üzrə praktik təcrübə; TikTok və Instagram formatlarını, auditoriya davranışını və platformalara uyğun təqdimat üslubunu anlamaq; Gündəlik situasiyalardan maraqlı kontent ideyaları çıxarmaq bacarığı; Telefonla çəkiliş və CapCut və ya oxşar proqramlarda montaj bacarığı; Videonun ilk saniyələrində maraq yaratmaq, hadisəni aydın çatdırmaq və izləmə tempini qorumaq bacarığı; Azərbaycan dilində düzgün yazılı və şifahi ünsiyyət; Brendin üslubunu qoruyaraq təbii və əyləncəli kontent hazırlamaq bacarığı; Planlı işləmək, geribildirimi tətbiq etmək və son tarixlərə riayət etmək; Şəxsi rolunu göstərən video nümunələri və ya portfolio. Üstünlük veriləcək: Təhsil, dil tədrisi və ya qida-içki sektorunda kontent təcrübəsinə; İngilis dili biliyinə; Eyni zamanda bir neçə sosial media hesabı ilə işləmək təcrübəsinə; ClickUp və ya oxşar layihə idarəetmə alətlərindən istifadə bacarığına. Komandada iş bölgüsü: Kontent strategiyası və çəkilişin yaradıcı istiqaməti Content Strategist & Creative Producer ilə birlikdə müəyyən edilir. SMM mütəxəssisi çəkilişi və sadə montajı həyata keçirir; mürəkkəb dizayn və montaj işlərində dizaynerlərin dəstəyindən istifadə edir. Kamera qarşısında ayrıca iştirakçılar yer alır. DM və şərhlərin cavablandırılması satış komandası tərəfindən həyata keçirilir. Vəzifə birbaşa Marketing Lead-ə tabedir. İş qrafiki: Həftədə 5 iş günü və 2 istirahət günü; Əsas iş saatları: 10:00–19:00; İş və istirahət günləri çəkiliş, tədbir və layihə planına uyğun müəyyən edilir. Şənbə və bazar günləri iş günü ola bilər; bu halda istirahət günləri həftəiçinə təyin edilir; Çəkiliş və tədbirlərin vaxtından asılı olaraq iş saatlarında dəyişiklik edilə bilər. Qrafik və dəyişikliklər əməkdaşla əvvəlcədən paylaşılır. Əməkhaqqı: Əməkhaqqı namizədin bilik, bacarıq və təcrübəsinə əsasən qarşılıqlı razılaşma əsasında müəyyən ediləcəkdir. CV, qısa motivasiya məktubu və portfolio linkinizi mövzu hissəsində “SMM Specialist — Lifestyle & TikTok” qeyd edərəkMüraciət etdüyməsində qeyd olunan elektron poçt ünvanına göndərməyiniz xahiş olunur. Portfolioda təqdim etdiyiniz işlərdə ideya, çəkiliş, montaj və hesab idarəçiliyi üzrə şəxsi rolunuzu qısa şəkildə qeyd edin. Yalnız seçilmiş namizədlərlə əlaqə saxlanılacaqdır.