Korporativ hüquqşünas

Kollekta MMC hüquqi məsələlərin effektiv idarə olunması, müqavilə və korporativ hüquq proseslərinin təmin edilməsi məqsədilə peşəkar və məsuliyyətli Korporativ Hüquqşünas axtarır. Vəzifə öhdəlikləri Təşkilatın fəaliyyəti çərçivəsində bağlanan daxili və xarici müqavilələrin hazırlanması, hüquqi ekspertizası və müqavilə reyestrinin aparılması; Təşkilatın maliyyə əməliyyatları, borcların idarə edilməsi və kolleksiya fəaliyyəti ilə bağlı daxili qayda, prosedur, təlimat və əsasnamələrin hüquqi ekspertizasının həyata keçirilməsi və təkmilləşdirilməsi üzrə təkliflərin hazırlanması; Müştərilər, tərəfdaşlar və digər hüquqi şəxslərlə bağlanan müqavilələrin hüquqi risklərinin qiymətləndirilməsi və risklərin minimallaşdırılması üzrə tövsiyələrin hazırlanması; Təşkilatın tərəf olduğu müqavilələrə hüquqi rəy verilməsi və müəyyən edilmiş qaydada hüquqi viza prosedurunun həyata keçirilməsi; Etibarnamələrin hüquqi əsaslarının yoxlanılması və qanunvericiliyin tələblərinə uyğun tərtib edilməsinin təmin olunması; Kolleksiya prosesində iştirak edən struktur bölmələrə hüquqi dəstəyin göstərilməsi və borclularla aparılan kommunikasiya və danışıqların hüquqi çərçivədə həyata keçirilməsinə dəstək verilməsi; Borclularla bağlı məhkəmə işlərinin başlanılması üçün zəruri sənədlərin toplanması, hüquqi təhlilin aparılması və müvafiq sənədlərin məhkəməyə təqdim edilməsi; Məhkəmə qərar və qətnamələrinin təhlil edilməsi, zərurət yarandıqda apellyasiya və kassasiya şikayətlərinin hazırlanması və məhkəmə proseslərinin izlənilməsi; Təşkilatın fəaliyyətindən irəli gələn hüquqi risklərin müəyyən edilməsi, qiymətləndirilməsi və onların qarşısının alınması üzrə tədbirlərin görülməsi; Dövlət və icra orqanları, notariat kontorları və məhkəmələrdə zərurət yarandıqda təşkilatın qanunvericiliyə uyğun qaydada təmsil olunması; Hüquqi fəaliyyət üzrə aylıq və illik hesabatların hazırlanması və rəhbərliyə təqdim edilməsi; Hüquqi məsələlərlə bağlı rəhbərliyin və struktur bölmələrin sorğularının cavablandırılması və hüquqi məsləhətlərin verilməsi. Namizədətələblər Hüquq sahəsində ali təhsil; Korporativ hüquq, maliyyə hüququ və ya müvafiq sahədə 3–5 il iş təcrübəsi; Kollektor şirkəti, bank və ya BOKT sektorunda hüquq üzrə iş təcrübəsi üstünlükdür; Azərbaycan Respublikasının müvafiq qanunvericiliyini, o cümlədən Mülki Məcəllə, İcra haqqında qanunvericilik və maliyyə sektoru üzrə normativ-hüquqi aktları yüksək səviyyədə bilmək; Müqavilələrin hazırlanması və hüquqi ekspertizası, məhkəmə və icra prosesləri üzrə praktiki biliklər; Güclü analitik düşüncə, hüquqi təhlil və problem həll etmə bacarığı; Yüksək məsuliyyət, dəqiqlik və detallara diqqət; Effektiv ünsiyyət və danışıqlar aparmaq bacarığı; Məxfilik və peşə etikası prinsiplərinə riayət etmək; Azərbaycan dilini mükəmməl bilmək; rus və ingilis dilləri üstünlükdür; MS Office proqramlarında, xüsusilə Word, Excel, PowerPoint və Outlook-da sərbəst işləmək bacarığı. İş barədə məlumat Əmək haqqı: 1500 NETT İş yeri: Bakı şəhəri, Nərimanov rayonu, Aşıq Molla Cümə küçəsi İş qrafiki: 5 günlük iş həftəsi, I–V günlər, 10:00–19:00 Komfortlu və müasir iş mühiti Peşəkar və mehriban komanda Müasir idarəetmə sistemi və inkişaf imkanları CV-lərinizi “Korporativ Hüquqşünas” başlığı iləMüraciət etdüyməsində qeyd olunan elektron poçt ünvanına göndərməyiniz xahiş olunur. Qeyd: Vakansiyanın tələblərinə uyğun gələn namizədlərlə növbəti seçim mərhələsi üçün əlaqə saxlanılacaq.