Topoqraf

Əsas vəzifələr Tikinti ərazisində ilkin topoqrafik və geodeziya ölçmə işlərini aparmaq, ərazinin mövcud vəziyyətini və relyefini öyrənmək; Layihə sənədlərini, istinad nöqtələrini (reperləri), koordinat və yüksəklik məlumatlarını yoxlamaq, aşkar edilmiş uyğunsuzluqlar barədə birbaşa Xəritə mühəndisinə məlumat vermək; Elektron taxeometr (Leica TS09+, TS07, TS03 və digər modellər), GNSS/GPS qəbuledicisi və nivelir vasitəsilə ölçmələri müstəqil və dəqiq aparmaq; Tikinti oxlarını layihə koordinatlarına uyğun olaraq sahəyə köçürmək, bünövrə və konstruksiya elementlərinin layihə göstəricilərinə uyğunluğunu yoxlamaq; Sahədə aparılan ölçmələrin dəqiqliyini yoxlamaq, zəruri hallarda təkrar və nəzarət ölçmələri aparmaq; Ölçmələr zamanı yaranan bağlanma xətalarını təhlil etmək, nəticələrdə aşkar edilmiş uyğunsuzluqlar barədə birbaşa rəhbərinə vaxtında məlumat vermək; AutoCAD və Civil 3D proqramlarında topoqrafik planları hazırlamaq və redaktə etmək; Ölçmə məlumatlarını emal etmək, koordinat və yüksəklik məlumatlarını sistemləşdirmək; İcra geodeziya çəkilişlərini (As-built survey) hazırlamaq və layihə ilə faktiki vəziyyət arasındakı fərqləri müəyyən etmək; Ölçmə nəticələrini tələb olunan formatlarda (DWG, DXF, TXT və s.) hazırlamaq və təqdim etmək; Fəaliyyətini layihə sənədlərinə, texniki normativlərə və şirkətin daxili qaydalarına uyğun həyata keçirmək. Tələblər Geodeziya və xəritəçilik, mühəndis-geodeziya və ya müvafiq sahə üzrə ali təhsil — arzuolunandır; Topoqraf və ya mühəndis-geodeziya işləri üzrə minimum 3 il iş təcrübəsi; Elektron taxeometr (Total Station), GNSS/GPS qəbuledicisi və nivelir cihazları ilə işləmək bacarığı; Leica TS09+, TS07, TS03 və digər geodeziya cihazları ilə işləmək təcrübəsi; Tikinti sahəsində geodeziya ölçmələrinin aparılması, koordinatların sahəyə köçürülməsi və yüksəklik göstəricilərinin yoxlanılması üzrə praktiki biliklər; Topoqrafik planların hazırlanması, relyef çəkilişlərinin aparılması və ölçmə məlumatlarının emalı üzrə bacarıqlar; AutoCAD və Civil 3D proqramlarında işləmək bacarığı; İcra geodeziya çəkilişlərinin (As-built survey) hazırlanması və layihə ilə faktiki vəziyyət arasındakı fərqlərin müəyyən edilməsi üzrə biliklər; Ölçmələrin dəqiqliyini yoxlamaq, nəzarət ölçmələrini aparmaq və ölçmə xətalarını təhlil etmək bacarığı; Komandada işləmək və Xəritə mühəndisi ilə effektiv kommunikasiya qurmaq bacarığı. Əməkhaqqı: 1600–2000 AZN; İş yeri: Nardaran qəsəbəsi, Sea Breeze; Nahar və nəqliyyat xidməti şirkət tərəfindən təmin edilir.