Data Platformaları üzrə Aparıcı Mühəndis

Əsas vəzifələr Linux, Docker və Kubernetes infrastrukturunu idarə etmək; tətbiqlərin yerləşdirilməsi, yeniləmələr, miqyaslama, resurs planlaşdırılması, yüksək əlçatanlıq, ehtiyat nüsxələmə və bərpa işlərini həyata keçirmək. Batch və streaming rejimində məlumat qəbulu, paylanmış SQL sorğuları və etibarlı məlumat xidmətləri üçün Cloudera, Apache Kafka və Trino/Starburst platformalarını idarə etmək. Platforma dəyişikliklərini avtomatlaşdırmaq üçün GitLab CI/CD pipeline-lar, versiya tənzimləmələri və s. Metrikalar, idarəetmə panelləri və xəbərdarlıqlar qurmaq; insidentləri araşdırmaq, əsas səbəbləri sənədləşdirmək, klasterlərin vəziyyətini, sorğu performansını və resurs səmərəliliyini yaxşılaşdırmaq. Giriş icazələri və məxfi məlumatların idarə edilməsi qaydalarını tətbiq etmək, əməliyyat təlimatlarını saxlamaq və təhlükəsiz, özünəxidmət əsaslı data imkanları təqdim etmək üçün mühəndislik komandaları ilə əməkdaşlıq etmək. Tələblər Data Platformaları Mühəndisi və ya əlaqəli sahələr üzrə 5 ildən artıq peşəkar iş təcrübəsi. İngilis dilində peşəkar iş səviyyəsində bilik. Linux sistemlərinin idarə edilməsi, əməliyyat sistemi, şəbəkə və saxlama sistemlərində problemlərin aradan qaldırılması üzrə praktiki təcrübə; Docker və Kubernetes bilikləri. Kafka mesajlaşma prinsipləri və Cloudera/Hadoop xidmətləri, o cümlədən əsas platforma əməliyyatları və nasazlıqların aradan qaldırılması üzrə bilik. Trino, Starburst və ya analoji paylanmış SQL mühərrikləri ilə iş, konnektorlar, sorğuların icra planları və problemlərin aradan qaldırılması üzrə təcrübə. GitLab CI/CD pipeline-lar ilə iş və deployment proseslərinin avtomatlaşdırılması üzrə təcrübə; Go, Python və ya Bash dillərindən ən azı birində skript yazmaq bacarığı. Prometheus monitorinq ekosistemi (Grafana, Alertmanager) və HashiCorp Vault və ya CyberArk Conjur kimi məxfi məlumatların saxlanması həlləri ilə tanışlıq. Resurs bölgüsü, paralellik və nasazlıqların təhlili daxil olmaqla Spark, PySpark və ya Spark SQL tapşırıqlarını hazırlamaq və optimallaşdırmaq bacarığı. Apache Flink, Kafka Streams və ya Spark Structured Streaming ilə təcrübə; vəziyyətin idarə edilməsi, yoxlama nöqtələri (checkpoints) və məlumat çatdırılmasının təminatları üzrə bilik. AWS (EKS, S3, IAM), hibrid bulud mühitlərinin idarə edilməsi və infrastrukturun avtomatlaşdırılması üzrə təcrübə. Süni intellekt və maşın öyrənməsi (AI/ML) iş yükləri üçün GPU serverləri, NVIDIA drayverləri, konteyner mühitləri və GPU resurslarının planlaşdırılması üzrə təcrübə. Apache Iceberg, Model Context Protocol (MCP), agent əsaslı süni intellekt həlləri və AI alətlərinin təhlükəsiz inteqrasiyası haqqında anlayış.