Mühasibat uçotu və vergilər şöbəsinə mütəxəssis

Əsas vəzifələr Cəmiyyətin mühasibat uçotunun Azərbaycan Respublikasının qanunvericiliyinə və mühasibat uçotu standartlarına uyğun aparılmasında aktiv iştirak etmək; İlkin mühasibat sənədlərinin düzgün tərtib edilməsini, yoxlanılmasını, mühasibat sisteminə işlənməsini və müvafiq qaydada saxlanılmasını təmin etmək; Maya dəyərinin hesablanması, xərc hesablarının bağlanması, amortizasiya hesablamaları və digər dövr sonu əməliyyatlarının vaxtında və düzgün icrasını təmin etmək; Əsas vəsaitlərin, qeyri-maddi aktivlərin, mal-material ehtiyatlarının və digər aktivlərin uçotunun düzgün aparılmasına, amortizasiya hesablamalarına və inventarizasiya nəticələrinin uçotda əks etdirilməsinə nəzarət etmək; Debitor və kreditor borclarının uçotunu aparmaq, borcları mütəmadi izləmək və qarşılıqlı üzləşmələri həyata keçirmək; Vergi öhdəliklərinin, əməkhaqqı hesablamalarının, sosial sığorta və digər məcburi ödənişlərin düzgün hesablanmasını və uçotda əks etdirilməsini təmin etmək; Təchizatçılar, alıcılar və digər kontragentlərlə hesablaşmaları üzləşdirmək, müvafiq üzləşmə aktlarının hazırlanmasını və rəsmiləşdirilməsini təşkil etmək; Mühasibat uçotu proseslərinin təkmilləşdirilməsi, uçot sisteminin effektivliyinin artırılması və süni intellekt həllərinin tətbiqi ilə bağlı təşəbbüslər irəli sürmək; Daxili audit zamanı tələb olunan maliyyə hesabatlarının və sənədlərin vaxtında hazırlanmasını, sistemləşdirilməsini və auditorlara təqdim olunmasını təmin etmək; Mühasibat və maliyyə fəaliyyəti ilə bağlı rəhbərlik tərəfindən verilən digər tapşırıqları yerinə yetirmək. Tələblər Maliyyə, mühasibat uçotu və ya iqtisadiyyat sahələri üzrə ali təhsil; Müvafiq sahədə minimum 5 il iş təcrübəsi; Azərbaycan Respublikasının mühasibat uçotu və vergi qanunvericiliyi, eləcə də müvafiq normativ hüquqi aktlar üzrə biliklər; PMS sertifikatının olması; ACCA F3 və F7 sertifikatlarına malik olmaq üstünlükdür; 1C 8.3 və Microsoft Office proqramlarında, xüsusilə Microsoft Excel-də yüksək səviyyədə işləmək bacarığı; Azərbaycan dilini sərbəst, ingilis dilini yüksək səviyyədə bilmək; rus dili biliyi arzuolunandır. Şəxsi keyfiyyətlər: Analitik düşünmə, detallara diqqətlilik, yüksək məsuliyyət hissi, təşəbbüskarlıq, problemləri həll etmək bacarığı və komandada işləmək qabiliyyəti. Şirkət tərəfindən təmin olunan nahar; Könüllü tibbi sığorta; Peşəkar təcrübənin artırılması üçün imkanlar.