Proqram təminatının hazırlanması üzrə baş mütəxəssis (Senior Fullstack Developer)

Struktur bölmə: Proqram təminatı tərtibatı sektoru Tabeçilik: Sektor müdiri İşin təsviri Layihənin biznes tələblərinə uyğun təhlilini, layihələndirilməsini, hazırlanmasını, test edilməsini və istismara verilməsini həyata keçirmək. Proqram təminatının server (Backend) və istifadəçi interfeysi (Frontend) hissələrini hazırlamaq, onların uyğunluğunu və vahid sistem kimi işləməsini təmin etmək. Mövcud daxili informasiya sistemləri ilə inteqrasiyaları (API, verilənlər mübadiləsi, istifadəçi autentifikasiyası və s.) layihələndirmək və həyata keçirmək. Biznes tələblərini texniki tələblərə çevirmək, sistem arxitekturasını, məlumat modelini və verilənlər bazasının strukturunu layihələndirmək. REST API xidmətlərini hazırlamaq, sənədləşdirmək, onların təhlükəsizliyini və performansını təmin etmək. Proqram kodunun keyfiyyətinə, oxunaqlılığına və kodlaşdırma standartlarına uyğunluğuna nəzarət etmək, Code Review prosesində iştirak etmək. Hazırlanan funksionallıqlar üzrə vahid (Unit) və inteqrasiya testlərini hazırlamaq, aşkar edilmiş xətaları aradan qaldırmaq. Git və digər versiya idarəetmə alətlərindən istifadə etməklə kod dəyişikliklərini idarə etmək, dəyişiklikləri test mühitində yoxlamaq və təsdiqdən sonra istismar mühitinə tətbiq etmək. Proqram təminatının avtomatik yığılması və yerləşdirilməsi (CI/CD) proseslərinin qurulmasında və dəstəklənməsində iştirak etmək. Təhlükəsiz kodlaşdırma prinsiplərinə, giriş hüquqlarının idarə edilməsinə, fərdi məlumatların və məxfi informasiyanın qorunması tələblərinə riayət etmək. İstismarda olan sistemlərdə yaranan xətaları və nasazlıqları araşdırmaq, onların səbəblərini müəyyənləşdirmək və aradan qaldırmaq. Sistemin performansını, sabitliyini və genişlənmə imkanlarını təhlil etmək, optimallaşdırma və təkmilləşdirmə üzrə təkliflər hazırlamaq. Proqram təminatının arxitekturası, API-lər, quraşdırma və istismar qaydaları üzrə texniki sənədləri hazırlamaq və aktual saxlamaq. İstifadəçilərdən və aidiyyəti struktur bölmələrdən daxil olan tələbləri təhlil etmək, onların prioritetləşdirilməsində iştirak etmək. Layihə rəhbəri, biznes analitik, dizayner və digər texniki mütəxəssislərlə əməkdaşlıq etmək, tapşırıqları müəyyən edilmiş müddətlərdə icra etmək. Namizədə dair tələblər Kompüter mühəndisliyi, kompüter elmləri, informasiya texnologiyaları, proqram mühəndisliyi və ya uyğun texniki ixtisas üzrə ali təhsil. Proqram təminatının hazırlanması (Fullstack) sahəsində ən azı 3 il iş təcrübəsi. Daxili korporativ sistemlərin hazırlanması və inteqrasiyası, o cümlədən Ticket/Helpdesk sistemləri üzrə təcrübə üstünlükdür. C#/.NET, Java, Node.js, Python və ya analoji Backend texnologiyalarından biri üzrə peşəkar biliklər. HTML, CSS, JavaScript/TypeScript və React, Angular, Vue.js və ya analoji Frontend freymvorklarından biri ilə işləmək bacarığı. MS SQL Server, PostgreSQL, MySQL və ya analoji verilənlər bazaları ilə işləmək, SQL sorğuları yazmaq və optimallaşdırmaq bacarığı. REST API-lərin hazırlanması və sistemlərarası inteqrasiyaların həyata keçirilməsi üzrə bilik və təcrübə. OAuth 2.0, JWT, LDAP/Active Directory və digər autentifikasiya və avtorizasiya mexanizmləri üzrə biliklər. Proqram arxitekturası, Design Patterns və SOLID prinsipləri üzrə biliklər. Unit və inteqrasiya testlərinin hazırlanması, proqram təminatında xətaların aşkarlanması və aradan qaldırılması üzrə təcrübə. Git, CI/CD, Docker və proqram təminatının yerləşdirilməsi (Deployment) prosesləri ilə işləmək bacarığı. Postman, Swagger və ya analoji API test və sənədləşdirmə alətləri ilə işləmək bacarığı. Agile/Scrum metodologiyaları və proqram təminatının hazırlanmasının həyat dövrü (SDLC) üzrə biliklər. Təhlükəsiz kodlaşdırma prinsipləri və OWASP Top 10 üzrə biliklər. Azərbaycan dilini yüksək səviyyədə bilmək, ingilis dilini texniki sənədlərlə işləmək səviyyəsində bilmək; rus dilini bilmək üstünlükdür. Analitik düşüncə, mürəkkəb texniki problemləri araşdırmaq və həll etmək, texniki qərarları əsaslandırmaq bacarığı. Komanda ilə işləmək, konstruktiv rəy vermək və qəbul etmək, vaxtı düzgün planlaşdırmaq və məsuliyyətli olmaq bacarığı. Əlavə məlumat İş vaxtı: həftədə 5 gün, 09:00-dan 18:00-dək. İstirahət günləri: şənbə və bazar günləri, habelə Azərbaycan Respublikasının Əmək Məcəlləsi ilə müəyyən edilmiş bayram və qeyri-iş günləri. Vakansiya növü: tam ştat. İş yeri: “Bakinity Distribution” MMC (Bakı şəhəri, Nərimanov rayonu, Ziya Bünyadov prospekti 86B). Əməkhaqqı: namizədin bilik və bacarıqlarına uyğun olaraq müəyyən edilir. Təminatlar Push30 platformasından istifadə imkanı. AmCham üzvlüyü çərçivəsində inkişaf və təlim proqramlarından yararlanmaq imkanı. Paşa Həyat “Həyatın Yaşam Sığortası” proqramına qoşulmaq imkanı. Texnologiyalar parkının rezidenti olaraq tətbiq edilən vergi güzəştləri. Peşəkar inkişaf və karyera yüksəlişi üçün imkanlar. Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.