Keyfiyyətə Nəzarət və İdarəetmə üzrə menecer

Klinika-butik qrupdaxili sağlamlıq və tibb müəssisələrində keyfiyyət idarəetmə sistemlərinin qurulması, inkişaf etdirilməsi və davamlı təkmilləşdirilməsi istiqamətində fəaliyyət göstərəcək “Keyfiyyətə Nəzarət və İdarəetmə üzrə menecer” vəzifəsi üzrə namizəd axtarışındayıq. Əsas vəzifə öhdəlikləri Qrupdaxili tibb və sağlamlıq müəssisələrində keyfiyyət idarəetmə sisteminin qurulmasını, tətbiqini və davamlı inkişafını təşkil etmək; Beynəlxalq və yerli standartlara, normativ-hüquqi tələblərə və klinik protokollara uyğun keyfiyyət siyasətləri, prosedurlar, təlimatlar və digər sənədlərin hazırlanmasını və yenilənməsini koordinasiya etmək; ISO 9001, ISO 7101, ISO 15189, ISO 13485 və digər aidiyyəti keyfiyyət standartlarının tətbiqinə və tələblərinə uyğunluğun təmin edilməsinə nəzarət etmək; Tibbi və inzibati proseslərin keyfiyyət göstəricilərini müəyyənləşdirmək, KPI-ları formalaşdırmaq, monitorinq etmək və aylıq/rüblük hesabatlar hazırlamaq; İllik keyfiyyət fəaliyyət planlarının hazırlanmasını və icrasını təşkil etmək; Daxili audit planlarını hazırlamaq, auditlərin keçirilməsini koordinasiya etmək, nəticələri təhlil etmək və rəhbərliyə təqdim etmək; Uyğunsuzluqları, klinik səhvləri, hadisələri və proseslərdə yaranan riskləri müəyyənləşdirmək, Kök Səbəb Analizi (RCA) aparmaq və Düzəldici və Qarşısının Alınması Tədbirləri (CAPA) üzrə tədbirlərin icrasını izləmək; Pasiyent təhlükəsizliyi, infeksion nəzarət, dərman təhlükəsizliyi və digər klinik risklərin idarə olunması proseslərinə nəzarət etmək; Tibbi prosedurların, müalicə protokollarının və klinik proseslərin müəyyən edilmiş keyfiyyət standartlarına uyğunluğunu qiymətləndirmək; Laboratoriya proseslərinin, tibbi cihazların və digər müvafiq tibbi xidmətlərin keyfiyyət tələblərinə uyğunluğunun monitorinqində iştirak etmək; Pasiyent və qonaq məmnuniyyəti sorğularını, rəyləri və şikayətləri təhlil etmək, xidmət keyfiyyətinin artırılması üzrə təkliflər hazırlamaq; Struktur bölmələrə keyfiyyət standartları və prosedurlar üzrə metodiki dəstək göstərmək və əməkdaşlar üçün müvafiq təlimlərin təşkilini təmin etmək; Akkreditasiya və sertifikasiya proseslərinə hazırlıq işlərini, tələb olunan sənədləşmə və koordinasiya proseslərini təşkil etmək; Xarici audit və yoxlamalar zamanı aidiyyəti bölmələrlə koordinasiyanı həyata keçirmək və zəruri sənədlərin hazırlanmasını təmin etmək; Yeni xidmətlərin tətbiqi və mövcud xidmətlərdə dəyişikliklərin keyfiyyət və pasiyent təhlükəsizliyinə təsirini qiymətləndirmək; Elektron keyfiyyət və tibbi informasiya sistemlərində sənədləşmənin düzgün aparılmasına nəzarət etmək; Keyfiyyət üzrə audit nəticələri, şikayətlər, hadisə hesabatları, infeksiya göstəriciləri və digər keyfiyyət məlumatlarının sistemləşdirilməsi və arxivləşdirilməsini təmin etmək; Səhiyyə sahəsində qüvvədə olan qanunvericilik, Səhiyyə Nazirliyinin tələbləri, normativ sənədlər və klinik standartlardakı dəyişiklikləri izləmək və proseslərə tətbiqini təmin etmək. Vəzifəyə dair tələblər Tibb, İctimai səhiyyə, Biologiya, Menecment və ya əlaqəli sahə üzrə ali təhsil; Tibb və ya səhiyyə müəssisələrinin idarəetməsi və keyfiyyət sahəsində minimum 5 il iş təcrübəsi; Keyfiyyət idarəetmə sistemləri və səhiyyə standartları üzrə praktiki bilik və təcrübə; ISO 9001, ISO 7101, ISO 15189, ISO 13485 standartları üzrə biliklər; müvafiq sertifikatların olması üstünlükdür; Akkreditasiya, sertifikasiya və daxili audit prosesləri üzrə təcrübə; Keyfiyyət sənədlərinin — siyasət, prosedur, təlimat və digər sənədlərin hazırlanması, tətbiqi və yenilənməsi üzrə təcrübə; Klinik və inzibati risklərin qiymətləndirilməsi, hadisələrin araşdırılması, RCA və CAPA metodologiyaları üzrə bilik; Pasiyent təhlükəsizliyi, infeksion nəzarət, dərman təhlükəsizliyi və klinik proseslərin keyfiyyətinə dair biliklər; MS Office proqramlarından yüksək səviyyədə istifadə bacarığı; elektron tibbi informasiya sistemləri və QMS ilə işləmə təcrübəsi üstünlükdür; Azərbaycan dili – sərbəst; rus və ya ingilis dili – yaxşı səviyyədə; hər üç dil üzrə bilik üstünlükdür. Şəxsi keyfiyyətlər və bacarıqlar Güclü analitik və sistemli düşünmə; Yüksək təşkilatçılıq və planlaşdırma bacarığı; Detallara diqqət və yüksək məsuliyyətlilik; Effektiv ünsiyyət və komandalararası koordinasiya bacarığı; Problemlərin müəyyənləşdirilməsi və effektiv həlli bacarığı; Dəyişikliklərə və yeni normativ tələblərə çevik uyğunlaşma; Hesabatlılıq və nəticəyönümlülük. İş şəraiti Əmək haqqı: 2500 Azn İş günləri 6 günlük (6-cı gün qısaldılmış)