B2B Satış Mütəxəssisi

SAT Group komandasına qoşul! Hazır 200+ şirkətdən ibarət müştəri bazası ilə işləmək Kiçik və Orta Biznes (KOB) müştəriləri ilə B2B satış və biznes inkişafı 650 AZN fix + bonuslar | Orta gözlənilən gəlir 800–1,200 AZN SAT Group 12 ildir insan kapitalının inkişafı, korporativ təlim, konsaltinq və müasir HR həlləri sahəsində fəaliyyət göstərir və bu müddət ərzində 1,700+ şirkətlə əməkdaşlıq edib. Hazırda komandamıza Kiçik və Orta Biznes (KOB) müştəriləri ilə işləyəcək B2B Satış Mütəxəssisi axtarırıq. Bu vəzifədə sən yalnız bir məhsul deyil, SAT Group-un korporativ təlim, açıq təlim, konsaltinq və müasir HR həllərini müştərilərə təqdim edəcək və satışını həyata keçirəcəksən. Səni hansı işlər gözləyir? Sənə təqdim olunan 200+ şirkətdən ibarət hazır müştəri bazası ilə işləmək; Mövcud şirkətlərlə əlaqə yaratmaq və onların ehtiyaclarını müəyyənləşdirmək; Potensial müştərilərlə görüşlər təşkil etmək; SAT Group-un xidmət və həllərini müştərinin ehtiyacına uyğun təqdim etmək; Təklif hazırlamaq və satış prosesini nəticəyə çatdırmaq; Mövcud müştərilərlə əlaqələri inkişaf etdirmək və əlavə satış imkanlarını müəyyənləşdirmək; Marketinq fəaliyyəti nəticəsində bazaya daxil olan yeni potensial müştərilərlə işləmək; CRM-də müştəri və satış imkanlarını düzgün idarə etmək; Satış hədəflərinə çatmaq və nəticələri izləmək. Sənin üçün əsas üstünlük Sən müştəri bazasını sıfırdan yaratmayacaqsan. İşə başladıqda sənə ən azı 200 şirkətdən ibarət hazır müştəri bazası təqdim ediləcək. Bundan əlavə, SAT Group-un marketinq fəaliyyəti nəticəsində bazana mütəmadi olaraq yeni potensial müştərilər əlavə olunacaq. Peşəkarlaşdıqca isə daha böyük və daha ciddi müştərilərlə işləmək imkanı əldə edəcəksən. Bu da həm məsuliyyətini, həm də gəlir potensialını artıracaq. Səndə hansı səriştələri görmək istəyirik? Kommunikasiya və təqdimat Nəticəyönümlülük Təsir göstərmə və inandırma Aktiv dinləmə Öyrənmə çevikliyi Təşəbbüskarlıq Komanda işi Tələblər Minimum 1 il satış təcrübəsi; Ali təhsil; B2B satış təcrübəsi üstünlükdür; Güclü kommunikasiya və inandırma bacarığı; Nəticə və hədəf yönümlü olmaq; Müştərilərlə uzunmüddətli münasibət qurmaq bacarığı; Yeni məhsul və xidmətləri tez öyrənmək bacarığı; CRM və MS Office / Google Workspace bilikləri; Azərbaycan dilində səlis danışıq və yazı. B2B satış təcrübən yoxdursa, lakin satış sahəsində minimum 1 il təcrübən və inkişaf etmək istəyin varsa, müraciət edə bilərsən. Nə təklif edirik? 650 AZN sabit əmək haqqı + satış bonusları Orta gözlənilən aylıq gəlir: 800–1,200 AZN Bundan əlavə: Hazır 200+ şirkətdən ibarət müştəri bazası; Marketinq tərəfindən mütəmadi yeni potensial müştərilərin təqdim edilməsi; Peşəkarlaşdıqca daha böyük və daha ciddi müştərilərlə işləmək imkanı; Hər il nəticələrə əsasən vəzifə dərəcəsini və sabit əmək haqqını artırmaq imkanı; SAT Group tərəfindən satış və idarəetmə yönümlü təlimlər; Korporativ təlim, konsaltinq və müasir HR həlləri üzrə praktiki bilik; Çoxsaylı şirkətlərlə işləmək və real B2B satış təcrübəsi; Peşəkar və karyera inkişafı imkanı. İş şəraiti İş qrafiki: 5 iş günü, 09:00–18:00 Əlavə təlim: Ayda 1 dəfə şənbə günü tam gün şirkətdaxili təlim İş yeri: Bakı, Ağ Şəhər İş formatı: Tam iş günü Bu vəzifə kimə uyğundur? Əgər sən: satış sahəsində artıq müəyyən təcrübəyə maliksənsə; hazır müştəri bazası üzərində işləyərək satış bacarıqlarını inkişaf etdirmək istəyirsənsə; insanlarla ünsiyyət qurmaqdan zövq alırsansa; hədəflərlə işləmək səni motivasiya edirsə; daha ciddi müştərilərlə işləyərək karyeranda irəliləmək istəyirsənsə; gəlirinin peşəkarlığın və nəticələrin artdıqca yüksəlməsini istəyirsənsə — səni SAT Group komandasına dəvət edirik!